考試院 고시원

講考試院之莉，不如先講一下機票價錢。
由於暑假出發，所以我同朋友一直都好擔心機票好貴。
最後好好彩的，我地買到濟州航空機票，大約二千七蚊。

好，計計數。
學費 $5000+機票 $2700+保險 $180
即係未出發已經用左約$8000。

所以住宿方面，一定要慳。
而考試院就係最平的住處。(因為住三星期)

有朋友提議，其實民宿都差唔多咋喎，
會有住夠七日一日免費，而且環境靚好多!

冇錯，雖然考試院環境很一般，
但有飯同泡菜同拉麵供應!
如果三星期入面有一半晚上係自己煮的話，會慳返好多。
 而且如果一日三餐都出面食，應該會食到好厭。
*當然呢個還是因人而異~

好，繼續。
搵就當然係搵梨花附近的考試院，
因為唔想每日搭車返放學。
只要你上網search，就可以search到好多梨花附近考試院的list。

我地想住double room，所以開始搵、到對方的留言板詢問詳情。
*朋友有要求，例如要有獨立廁所、要有冷氣、要有窗。
所以搵考試院時要考慮埋以上條件，因為唔係間間都會有這些設施。

到最後，冇double room，但朋友搵到間叫Hana (하나)的，
似乎幾好，符合各方面條件，所以就決定book兩間single room。
好似係W350000一間。
對了，一般來說，係要先比deposit的，
但由於我地係香港人，所以老闆准許我地去到先比。

然後，問題來了。
就在上星期，하나 send email同我朋友講話冇房比我地，
因為上一位客人未搬走。
知道消息後，其實真係有點嬲，
大家講個信字，如果應承我地在先，
點可以咁樣一句話冇房就唔比我地住？
*可能你會話，咁你又冇比deposit，仲想點喎。
但因為自己深知自己一定唔會走對方數，
所以真係有點失望；臨急臨忙邊度搵另一間？
嗚。

於是今次我接手，又開始搵考試院。
同時，朋友的朋友住下宿，都幫我地問仲有冇位。
最後，搵到一間叫Livingtel的，有doubleroom，W600000。
哈哈，其實都好擔心會唔會被走數，但，let's wish for the best. lol

好，入正題 (XD)
由於考試院網站多係用韓文，
所以唔識韓文的會幾乎崩潰。

入到留言板後，按쓰다 (寫的意思)，
然後佢會叫你填好多野：

비밀번호 即密碼 password確保知道密碼以外的人唔會睇到個留言。

이메일 即email

홈페이지 即homepage唔使填都得。

글제목 即帖子題目例如Reservation